🇳🇵𝓟𝓪𝓻𝓪𝓭𝓲𝓼𝓮 𝓐𝓰𝓻𝓸

प्याराडाईस एग्रो फार्म झापाको मेचीनगर वार्ड नम्बर १० धुलाबारी नेपालमा अवस्थित छ। स्थानीय तथा आयातित विश्व प्रसिद्ध फलफूल र तरकारी तथा अन्य कृषिजन्य वस्तुहरूको जैविक प्रविधिबाट कीटनाशक मुक्त कृषि-पर्यटन प्रवर्द्धन गर्ने योजना रहेको छ। ईन्टरनेट वाईफाई, फुड स्टल, आधुनिक सिंचाई, माछापोखरी, बिश्राम स्थल, फलफूल र तरकारी बगैंचाका लागि नहर र पाइपहरूको सृजनात्मक विस्तारले पर्यटकहरूलाई मनोरञ्जन र आकर्षण प्रदान गर्दछ। खेतलाई अनुकरणीय शिक्षा केन्द्रको रूपमा विकास गरिनेछ किनकि कृषि र पशु खेती पूरक पेशा हुनाले स्थानीय कुखुरा, बाख्रा र माछा बाट प्राप्त हुने मललाई आन्तरिक दोस्रो उत्पादनको रूपमा जैविक खेतीका लागि प्रयोग गरिनेछ भने फार्म भित्रैको मौरी पालनले फलफुल तथा तरकारीमा पराग सेचनमा सहयोगी हुनेछ। एग्रो-टुरिजम् पूर्वाधारहरू जस्तै फार्म स्टे, आवासीय कटेज, कार्यक्रमहलका साथसाथै बहुमूल्य कृषि उत्पादनहरू जस्तै ड्र्यागन फल, एपलबेर, एवोकाडो, कागती, सुपारी, चेरी, टमाटर, सलाद, र अन्य तरकारी एवं ताजा फलहरूको कारण यो फार्म कृषिमाअनुसन्धान गर्न चाहनेहरु को लागी पनि अति उपयोगी हुनेछ।